www.science.az
08.11.2018 10:40

İstanbul Hərbi Muzeyi ilə Milli Azərbaycan Tarixi Muzeyi arasında əməkdaşlıq perspektivləri müzakirə olunub

İstanbul Hərbi Muzeyinin sektor müdiri Sezgin Kaya AMEA-nın Milli Azərbaycan Tarixi Muzeyində olub.

Muzeyin direktoru, akademik Nailə Vəlixanlı rəhbərlik etdiyi müəssisənin fəaliyyətindən danışıb. Alim muzeydə səmərəli elmi-tədqiqatlar aparıldığını, uğurlu nəticələr qazanıldığını diqqətə çatdırıb. O, Prezident İlham Əliyevin tapşırığı ilə mədəniyyət ocağının əsaslı təmir olunduğunu vurğulayıb.

Görüşdə muzeydə qorunan eksponatların, xüsusən XVIII-XIX əsrlərə aid bayraqların bərpası, həmçinin iki qurum arasında gələcək əməkdaşlıq məsələləri müzakirə olunub.

Sonda türkiyəli qonağa muzeyin nəşrləri hədiyyə edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.